कैलाली। कैलालीको अत्तरियामा ३ करोड लगानीमा सुविधा सम्पन्न ‘बिगबुल फिटनेस एण्ड जुम्बा जिम हल उद्घाटन गरिएको छ।
आज एक कार्यक्रमका बिच वनदेवी मन्दिर गुलरियाका लोमस गिरी महाराजले उद्घाटन गरेका हुन् ।
३ करोड रुपैयाँको लगानीमा स्थापना गरिएको उक्त जिम क्लब सुदूरपश्चिम क्षेत्रमै सबैभन्दा ठूलो लगानीमा स्थापना भएको र पछिल्लो समय युवाहरु लागूऔषधमा फस्दै गएको र स्वास्थ्यमा विविध समस्याहरु देखा पर्ने अवस्था रहेका कारण अत्याधुनीक जिम हल सञ्चालनमा ल्याएको संचालक राजु भट्टराईले बताए ।
स्वास्थ्यप्रति जनचेतना बढिरहेका बेला यस किसिमको सुविधा अत्तरियामा आवश्यक रहेको र यसले युवापुस्तालाई फिटनेसप्रति प्रेरित गर्ने अपेक्षा गरिएको छ। वैशाखको महिना इन्ट्री छुट गराएको र एसइइ दिएर बस्ने विद्यार्थीहरुलाई प्रवेशपत्रका अनुसार निःशुल्क इन्ट्री समेत गराएको उनले जानकारी दिए।फिटनेसका लागि प्रति व्यक्ति,प्रति महिना दुई हजार रुपियाँ शुल्क तोकिएको छ ।
स्थानीय केही व्यवसायीहरूको संयुक्त लगानीमा सञ्चालनमा ल्याइएको क्लबमा आधुनिक जिम व्यायाम उपकरणहरू राखिएका छन्। साथै, जिमसँगै जुम्बा अभ्यासको सुविधा पनि उपलब्ध गराइएको छ।
