कैलाली। गोदावरी नगरपालिकामा वान वए डान्स क्याम्प र क्युरिक्स डान्स स्टुडियोको आयोजनामा जेठ २० गतेदेखि जिल्ला स्तरीय आधारभूत तह एकल नृत्य प्रतियोगिता हुने भएको छ।
प्रतियोगितामा कक्षा १ देखि ५ सम्मका विद्यार्थी सहभागी हुन पाउनेछन्। नृत्य नेपाली गीतमा मात्र गर्नुपर्नेछ र गीतको समय सीमा २ मिनेट ३० सेकेन्ड हुनेछ।
प्रथम हुनेले तीस हजार एक सय ५१ रुपीयाँ नगद पुरस्कार पाउने वान वए डान्स क्याम्पका सञ्चालक नरेश विकले बुधबार (आज) आयोजीत पत्रकार सम्मेलनमा जानकारी दिए । त्यस्तै द्धितिय हुनेले बीस हजार एक सय ५१ रुपीयाँ पुरस्कार पाउनेछ भने तृतिय स्थान हाँसिल गर्नेले दश हजार एक सय ५१ रुपीयाँ पुरस्कार पाउने विकले बताए । उत्कृष्ट ५ मा पर्नेले तीन महिने निःशुल्क डान्स क्लास र उत्कृष्ट १० मा पर्नेले एक दिने सामाजिक भ्रमणको अवसर पाउनेछन्। प्रतियोगिता सहभागीता निःशुल्क रहनेछ।
