कैलाली। दलित समुदायको हकहित र सामाजिक न्यायको प्रवर्द्धनका लागि सक्रिय ‘दलितका लागि दलित अभियान, नेपाल’ ले अत्तरियामा बृहत-जागरण सभा आयोजना गर्ने भएको छ।
सुदूरपश्चिम प्रदेश समितिको आयोजनामा हुने यो कार्यक्रम भोली (बिहीबार), बिहान ११:०० बजे, नमस्ते होटेल, अत्तरिया, कैलाली मा सुरू हुने आयोजकले जनाएका छन्।
सभामा दलितका लागि दलित अभियान, नेपाल का संयोजक खगेन्द्र सुनार प्रमुख अतिथि रहनेछन्।
“आफ्नो लागि आफै” भन्ने नारासँग अघि बढिरहेको अभियानले यस सभामार्फत दलित समुदायभित्र चेतनाको जागरण, एकताको सुदृढीकरण र सामाजिक न्यायको पक्षमा सशक्त आवाज बुलन्द गर्ने अपेक्षा लिएको छ।
संयोजक सुनारले बृहत-सभाबाट दलित समुदायले आफ्ना हक–अधिकारप्रति स्पष्ट दृष्टिकोण बनाउने र सामाजिक अन्यायविरुद्ध संगठित ढंगले अघि बढ्न उत्प्रेरणा प्राप्त गर्ने विश्वास व्यक्त गरेका छन्।
