दिपक बहादुर विश्वकर्मा
कैलाली । कैलाली जिल्लाभित्रका अधिकांश स्थानीय तहहरूले आर्थिक वर्ष २०८२/८३ का लागि बजेट सार्वजनिक गरेका छन्। जिल्लाका १३ स्थानीय तहमध्ये हालसम्म १२ स्थानीय तहले बजेट प्रस्तुत गरिसकेका छन् भने मोहन्याल गाउँपालिकाले भने बजेट अझै सार्वजनिक गरेको छैन।
यसपटक सबैभन्दा ठूलो बजेट धनगढी उपमहानगरपालिकाले ल्याएको छ। उपमहानगरले २ अर्ब ५६ करोड ४ लाख ६६ हजार रुपैयाँको बजेट सार्वजनिक गरेको हो। त्यसपछिका नगर/गाउँपालिकाहरूले पनि अर्बौंको बजेट ल्याएका छन्।
अन्य पालिकाहरूको बजेट विवरण
लम्कीचुहा नगरपालिका: १ अर्ब २० करोड ९९ लाख
गोदावरी नगरपालिका: १ अर्ब १८ करोड
बर्दगोरिया गाउँपालिका: १ अर्ब २ करोड ९१ लाख
गौरीगंगा नगरपालिका: १ अर्ब १ करोड ७६ लाख ३३ हजार
घोडाघोडी नगरपालिका: १ अर्ब १ करोड ४० लाख २२ हजार
साना तथा मध्यम आकारका स्थानीय तहको बजेट यसप्रकार छ:
टीकापुर नगरपालिका: ९३ करोड ६७ लाख ९७ हजार १२७
जानकी गाउँपालिका: ९१ करोड ३७ लाख ७ हजार
जोशीपुर गाउँपालिका: ८३ करोड ८६ लाख ५९ हजार १५४
कैलारी गाउँपालिका: ७२ करोड २५ लाख
भजनी नगरपालिका: ६८ करोड ४३ लाख ६५ हजार ३४१
चुरे गाउँपालिका: ५२ करोड ८७ लाख
मोहन्याल गाउँपालिकाको बजेट आउँदै
हालसम्म मोहन्याल गाउँपालिकाले मात्र आगामी वर्षको बजेट सार्वजनिक गरेको छैन। अध्यक्ष देवदत्त उपाध्यायले बजेट तयारी अन्तिम चरणमा रहेको र छिट्टै सार्वजनिक गरिने जानकारी दिएका छन्।
स्थानीय तहहरूले यस वर्ष पनि पूर्वाधार विकास, शिक्षा, स्वास्थ्य, कृषि र सामाजिक सुरक्षालाई प्राथमिकता दिएका छन्। तर, बजेटको प्रभावकारी कार्यान्वयन भने चुनौतीपूर्ण हुने विज्ञहरूको भनाइ छ।
