दिपक बहादुर विश्वकर्मा
कैलाली । जानकी गाउँपालिका सातमा रहेको श्री मोती माध्यमिक विद्यालय, मोतीनगरका कक्षा १० मा अध्ययनरत तथा २०८१ सालको माध्यमिक शिक्षा परीक्षा (SEE) मा उत्तीर्ण भएका विद्यार्थीहरूलाई सम्मान गरिएको छ।
वडा कार्यालय जानकी–७, मिलनचोकको आयोजनामा आयोजित कार्यक्रममा वडा अध्यक्ष कमल महत्तोको अध्यक्षतामा चार जना छात्र/छात्रालाई प्रमाणपत्र तथा सम्मानपत्र प्रदान गरी सम्मान गरिएको हो।
सम्मानित विद्यार्थीहरूमा बिरेन्द्र बिक (GPA 2.58), कोपिला शाही (GPA 2.86), जिनट चौधरी (GPA 2.66) र दुर्गा कुमारी गड्शिला (GPA 2.71) रहेका छन्।
कार्यक्रममा बोल्दै वडा अध्यक्ष महत्तोले सफल विद्यार्थीहरूलाई बधाई दिँदै उनीहरूको भविष्य उज्ज्वल रहोस् भन्ने शुभकामना व्यक्त गरे। उनले शिक्षालाई जीवन परिवर्तन गर्ने मुख्य साधनका रूपमा व्याख्या गर्दै गाउँपालिकाको तर्फबाट आवश्यक सहयोग पुर्याइने प्रतिबद्धता जनाए।
सम्मान कार्यक्रममा विद्यालयका शिक्षक, अभिभावक, विद्यालय व्यवस्थापन समिति तथा स्थानीयवासीको उल्लेखनीय उपस्थिति थियो। सहभागीहरूले यस्ता सम्मान कार्यक्रमले विद्यार्थीलाई प्रोत्साहन दिनुका साथै शिक्षाको गुणस्तर सुधारमा समेत योगदान पुग्ने विश्वास व्यक्त गरेका थिए।
