भरत दास
अत्तरिया । कैलालीको अत्तरियामा दृष्टि फाउन्डेशनले पहिलो पटक वृद्धाश्रम सञ्चालनमा ल्याएको छ। आइतबार एक कार्यक्रमबीच गोदावरी नगरपालिकाका प्रमुख विरेन्द्र भट्टले वृद्धाश्रमको उद्घाटन गरे।
कार्यक्रममा उपप्रमुख शारदा रोकाया, सहायक प्रमुख जिल्ला अधिकारी किरण जोशीलगायतको उपस्थिति रहेको थियो। नगरप्रमुख भट्टले संस्थालाई आगामी दिनमा पनि सहयोग जारी राख्ने र अत्तरियामै स्थायी संरचना निर्माणका लागि जग्गा उपलब्ध गराउने प्रतिबद्धता जनाए।
फाउन्डेशनकी अध्यक्ष कल्पना भट्टको नेतृत्वमा सञ्चालन भएको कार्यक्रममा समाजसेवी, जनप्रतिनिधि र स्थानीयको उपस्थिति रहेको थियो। दृष्टि फाउन्डेशनले विगतदेखि सडक मानवको सेवा गर्दै आएको छ।
