नेकपा केन्द्रीय प्रतिनिधि समिति सदस्य कैलास सी
नेपालको राजनीति अहिले निर्णायक मोडमा छ। बहुदलीय संसदिय व्यवस्थाका दशकौं अनुभवले जनतालाई के दिन सक्यो भन्ने प्रश्न अझै अनुत्तरित छ। दलाल पूँजीवाद, भ्रष्टाचार, तस्करी, असमानता र विदेशी हस्तक्षेपले जनजीवनलाई आक्रान्त बनाइरहेको छ। यही सन्दर्भमा नेकपाले प्रस्तुत गरेको जेएनजी–जननेतृत्व–जनविद्रोह अवधारणा नयाँ परिस्थिति र निकासको मुख्य आधार बनेर अगाडि आएको छ।
१. नयाँ परिस्थिति
राजनीतिक बन्दसडक : पुराना दलहरूको भित्री घेराभित्र मात्र नेतृत्व खोज्दा मुलुकले नयाँ मार्ग भेट्न सकेको छैन।
जनआकांक्षा र असन्तोष : युवा पुस्तामा विद्रोही चेतना तीव्र बनेको छ। रोजगारी, शिक्षा, स्वास्थ्य जस्ता मौलिक अधिकार सुरक्षित नभएकाले विद्रोह अपरिहार्य बन्दैछ।
विदेशी प्रभाव : शक्तिराजनीतिक द्वन्द्वमा नेपाललाई प्रयोग गर्ने प्रवृत्ति बढिरहेको छ। चीन–भारत–अमेरिका त्रिकोणीय दबाबबीच राष्ट्रिय स्वाधीनता जोखिममा छ।
यी सबैका पुरानाे चेतना काम नलाग्ने अवस्था स्पष्ट पारेको छ।
२. जेएनजी विद्रोहको सन्देश
नेकपाको दृष्टिमा जननेतृत्व–जनविद्रोह भनेको अराजक आन्दोलन होइन, बरु संगठित जनचेतना र वैज्ञानिक क्रान्तिकारी मार्ग हो।
जननेतृत्व : जनताले चुनेको, जनताको दुःख–सुखमा बाँडिने, आदर्श र त्यागमा आधारित नेतृत्व।
जनविद्रोह : जनआकांक्षालाई दबाउने राज्यव्यवस्था विरुद्धको संगठित प्रतिरोध। यो विद्रोह हथियारभन्दा बढी वैचारिक र राजनीतिक शुद्धिकरणको प्रक्रिया हो।
३. निकास
नयाँ वैचारिक आधार : नेपाली विशेषताकाे समाजवाद र “एकीकृत जनक्रान्ति” नै मुलुकको दीर्घकालीन बाटो।
संघर्षको निरन्तरता : क्षणिक आन्दोलनले होइन, निरन्तर, चरणबद्ध संघर्षले मात्र निकास दिन सक्छ।
जनसहभागिता : निकास जनताबाटै सम्भव छ—बैज्ञानिक डाक्टर बुद्धिजीवी कर्मचारी, किसान, मजदुर, विद्यार्थी, युवा सबैको सक्रिय सहभागितामा।
राष्ट्रिय स्वाधीनता : जेएनजीको केन्द्रबिन्दु विदेशी हस्तक्षेपको प्रतिरोध र स्वाधीन, समृद्ध नेपाल निर्माण हो।
४. निष्कर्ष
नेकपाको दृष्टिकोणमा जेएनजी विद्रोह अहिलेको असफल व्यवस्था विरुद्ध जनताको वैकल्पिक बाटो हो। यो बाटो केवल विरोधको होइन, नयाँ समाज निर्माणको हो। नयाँ परिस्थिति यही माग गर्छ— जननेतृत्वमा आधारित जनविद्रोहमार्फत मात्र नेपालले भ्रष्टाचार, दलाली, निर्भरता र असमानताको चक्र तोड्न सक्छ।जेनजी सवभन्दा पहिले तिमी नेपाली हौं । नेपाललाई मुटुमा राखेर हेर र सोच,तिमी ले आफूलाई एकदमै फरक पाउने छौं । तिमीले बुझेका छौं ! तिम्रा खुट्टा ,हात,खल्ती ,दिमाग भएर साम्राज्यवादी कुकुर लुटेराहरू हाम्रो प्रिय देशमा कसरी चोर जसरी घुस्न खोज्दैछन् ! तिम्रा संरक्षक जस्ता देखिने दलाल कुत्ताहरू कसरी दाँत किच्चाएर मालिकको गोडा ढोगीरहेका छन्। हामी सवैको ध्यान पुगेन भने हामीले अकल्पनीय विध्वंस बेहोर्नु पर्नेछ। हामीले आफ्नै खुट्टामा उभिएर आफ्नै पौरखमा देशबनाउने आँट गर्नुपर्नेछ ।
