कैलाली। कैलाली–३ मा आसन्न प्रतिनिधिसभा निर्वाचनलाई लक्षित गर्दै उम्मेदवार बिरमान चौधरीले घरदैलो अभियानलाई तीव्रता दिएका छन्। फागुन २१ गते हुने निर्वाचन नजिकिँदै जाँदा चौधरी यतिबेला गाउँ–गाउँ, टोल–टोल पुगेर मतदातासँग प्रत्यक्ष भेटघाटमा व्यस्त छन्।
बिहानैदेखि सुरु हुने घरदैलो कार्यक्रममा स्थानीय बासिन्दाको उल्लेख्य सहभागिता देखिएको छ। चौधरीले विकास, रोजगारी, शिक्षा र स्वास्थ्यलाई प्राथमिकतामा राखेर आफ्ना प्रतिबद्धता सार्वजनिक गरिरहेका छन्।
“जनताको विश्वास नै मेरो शक्ति हो, कैलाली–३ को समग्र विकासका लागि म प्रतिबद्ध छु,” चौधरीले घरदैलोका क्रममा बताएका छन्।
स्थानीयस्तरमा युवादेखि ज्येष्ठ नागरिकसम्मको साथ पाइरहेको उनको दाबी छ। समर्थकहरूका अनुसार यसपटक कैलाली–३ मा चुनावी माहोल थप रोचक बन्दै गएको छ।
निर्वाचन मिति नजिकिँदै जाँदा चौधरीको घरदैलो अभियान अझ सशक्त र व्यापक बन्दै गएको बताइएको छ।
