दीपक बहादुर विश्वकर्मा
डोटी । के.आई.सिंह गाउँपालिका अन्तर्गत बहुक्षेत्रीय पोषण योजना (तेस्रो चरण) डोटीको आयोजनामा बासुदेवी स्वास्थ्य चौकीमा सरसफाइ किट वितरण तथा स्वास्थ्य शिक्षा कार्यक्रम सफलतापूर्वक सम्पन्न भएको छ।
आर्थिक वर्ष २०८१/८२ अन्तर्गत सुत्केरी महिलाहरूलाई लक्षित गर्दै कार्यक्रम सञ्चालन गरिएको हो। बासुदेवी स्वास्थ्य चौकीमा सुत्केरी भएका साथै विभिन्न कारणले अन्यत्र प्रेषण गरिएका महिलाहरूलाइ सरसफाइ किट वितरण गरिएको हो। कार्यक्रममा सरसफाइ तथा व्यक्तिगत स्वच्छता सम्बन्धी महत्वपूर्ण जानकारीहरू पनि प्रदान गरिएको थियो।
कार्यक्रममा के.आई.सिंह गाउँपालिका वडा नं. ३ का जनप्रतिनिधि, स्वास्थ्य चौकी सञ्चालन तथा व्यवस्थापन समितिका सदस्य, स्वास्थ्यकर्मी, अन्य कर्मचारीहरू तथा लक्षित सुत्केरी महिलाहरूको सक्रिय सहभागिता रहेको थियो। बासुदेवी स्वास्थ्य चौकी परिवारले कार्यक्रममा उपस्थिति जनाएका सम्पूर्ण सहभागीप्रति आभार प्रकट गरेको छ।
